Thursday , August 18 2022

Manila Dialysis Center bubusisiin (Maling sistema nagresulta sa iregularidad)

manila dialysis centerIBINUNYAG ng isang mapagkakatiwalaang source,  nakatakdang imbestigahan ng Commission on Audit (COA) at ilang ahensya ng pamahalaan ang  Manila Dialysis Center dahil sa mga reklamo ng umano’y talamak na iregularidad sa ilalim ng pamamalakad ni Manila Mayor Joseph “Erap” Estrda at mga kaibigan nito.

Batay sa ating source nagrereklamo ang mga pasyente dahil sinisingil umano ng isang alyas Holy Manny na nagmamalaking malapit siyang kaibigan ni Erap.

Tinukoy ng source na si alyas Holy Manny ay kilala rin supplier ng mga entertainer at isa na si Erap sa kanyang sinusuplayan.

Sinabi ng source na mismong si alyas Holy Manny pa nga ang nagkakalat ng tsismis ukol sa mga ‘request’ ni Erap na bagay na lubhang sumisira sa reputasyon ng dating Pangulo.

Idinagdag ng source, sa kabila ng reklamo ng mga taga-city hall laban sa isang nangangalang alyas Lui A., medical staff sa Manila Dialysis Center dahil sa asal at paggamit sa mga equipment ng dialysis center sa mga personal na lakad ay nanatili pa rin sa kanyang puwesto.

Hiniling sa COA na inspeksyonin  ang mga report na ang medical staff na si alyas “Lui” ay ginagamit ang mga equipment ng dialysis center para sa kaniyang mga kaibigan at kamag-anak na hindi naman taga-Maynila.

Kitang-kita rin ng mga taga-City Hall ang madalas na paggamit ni alyas “Lui” sa ambulansiya ng Dialysis Center para sa kaniyang mga personal na lakad. Ang ambulansiya ang ginagamit ni Lui bilang personal na service kapag nagpupunta sa City Hall at sa iba pang lugar.

“Hindi na nahiya ang babaeng ‘yan. Kapag may biglang nangailangan ng ambulansiya walang maipapadala ang Maynila dahil gamit niya sa personal niyang lakad,” pahayag ng isang empleyado ng City hall na tumangging magpabanggit ng pangalan.

Magugunitang minsan na rin naiulat ang nagngangalang alyas Lui na pilit nagpapapansin kay Erap kung kaya’t lahat ng bagay ay kanyang ginagawa mapansin lamang ng dating pangulo.

Maging si Dr. Loi Estrada ay boycott sa opening ng dialysis at maging ang lahat ng mga activity nito ay hindi na niya dinadaluhan sa kabila na ito ay kanyang proyekto.

Hindi kasi mawala sa isipan ng dating Senadora ang ginawang pambabastos sa kanya ni alyas Lui sa isang okasyon.

Ipinagbawal na umano ni Erap na magpunta sa City Hall si alyas Lui lalo sa daily lunch meeting na madalas niyang puntahan kahit hindi siya  imbitado.

Hinahanap ng media si Dra. Loi sa opening ng Dia-lysis Center pero hindi na siya nagpunta dahil nagbida-bidahan naman si alyas Lui A.

Si alyas Lui A., ay mayroong dalawang anak at nasa edad 50 anyos na at hiwalay sa kanyang asawa.

Iginiit ng source na tila hindi na yata natuto si Erap na ang mga kaibigan din niya at mga mumurahing babe ang nakasira sa kanya noong siya ay Pangulo ng bansa.

Sakaling hindi sentensiyahan ni Erap sina alyas Lui A. at Holy Manny tiyak na ano man ang maging resulta ng COA ay makakaladkad ang kanyang pangalan na higit na makaaapekto sa kanyang last hurrah.

Niño Aclan

About hataw tabloid

Check Also

Angelica Panganiban Camille Prats

Angelica inamin nagkaroon ng trauma ‘pag nadadagdagan ang timbang

MA at PAni Rommel Placente SA guesting ni Angelica Panganiban sa Youtube vlog ng kaibigan na si Camille Prats, ay …

Vico Sotto

MAYOR VICO PANG ‘SENIOR’ NA ANG TUHOD
Binawalan ng sobrang paglalakad

MA at PAni Rommel Placente SA pamamagitan ng kanyang Facebook account noong Sabado, August 13, ay ibinahagi …

Joel Villanueva Daniel Fernando Alexis Castro Bulacan

Sa ika-444 anibersaryo ng pagkatatag ng Bulacan
VILLANUEVA, FERNANDO, CASTRO NANGUNA SA SELEBRASYON AT PAGBIBIGAY-PUGAY 

PINANGUNAHAN ng Bulakenyong Senador at Senate Majority Leader Emmanuel “Joel” Villanueva, kasama sina Gobernador Daniel …

shabu

P.340-M droga kompiskado sa 5 miyembro ng criminal group

ARESTADO ang limang hinihinalang miyembro ng Randy Domingo Crime Group sa ikinasang buy bust operation …

earthquake lindol

5.5 magnitude na lindol yumanig sa Davao del Sur

NIYANIG ng magnitude 5.5 lindol ang lalawigan ng Davao del Sur nitong Lunes ng hapon, …

Leave a Reply