Wednesday , August 10 2022

Giyera sisiklab — Palasyo (BBL ‘pag ‘di naipasa)

BBLNAGBABALA ang Palasyo na sisiklab muli ang giyera at hindi uunlad ang Mindanao kapag hindi naipasa ang Bangsamoro Basic Law (BBL).

Ito ang inihayag kahapon ni Communications Secretary Herminio Coloma Jr. kasunod nang pagsuspinde ng Kongreso sa mga pagdinig kaugnay sa BBL makaraan ang madugong enkwentro ng tropa ng pamahalaan at pinagsanib na puwersa ng Moro Islamic Liberation Front (MILF) at Bangsamoro Islamic Freedom Fighters (BIFF) sa Mamasapano, Maguindanao noong Enero 25 na ikinamatay ng 44 SAF commandos.

“Dahil kung hindi ito isusulong  at iisa lang naman  ang  alternatibo,  iyong pagbalik sa karahasan at iyong kawalan ng kasiguruhan hinggil sa pag-unlad at estabilidad ng Mindanao. Kaya iyan po ang mga dapat na magnilay po ang ating mga mambabatas na ito ang magiging consequence kung mababalam o titigil ang prosesong pangkapayapaan,” wika Coloma.

Aniya, ang pangkalahatang situwasyon ay hintayin muna kung ano ang malalaman pa sa mga isinasagawang imbestigasyon ng Board of Inquiry at Senate probe on Mamasapano para magkaroon ng linaw sa direksiyon na tatahakin.

“At sa aspetong iyan ay malinaw din naman ang naging pahayag ni Pangulong Aquino kung gaano kahalaga iyong pagsulong ng prosesong pangkapayapaan,” sabi pa ni Coloma.

Nauna rito, binatikos ng ilang naulilang pamilya ng Fallen 44 si Pangulong Aquino sa hindi pagkondena sa MILF kaugnay sa Mamasapano incident.

Rose Novenario

MILF mananatiling revolutionary org (Hangga’t walang peace agreement)

IKINABAHALA ni Sen. Bongbong Marcos ang naging pahayag ni MILF chief negotiator Mohag-her Iqbal na mananatiling revolutionary organization ang MILF hangga’t hindi naipatutupad ang peace agreement ng pamahalaan ng Filipinas.

Ito ay dahil sa sulat ni Iqbal sa Senado na ipinagbigay-alam ang hindi pagdalo sa pagdinig hangga’t hindi pa tapos ang sarili nilang imbestigasyon. Nabanggit niya sa sulat ang katagang, “until peace agreement is fully implemented, we will remain to be a revolutionary organization.”

Ayon kay Marcos, kabaliktaran ito sa mga sinasabi ni Iqbal sa pagdinig ng kanyang komite para sa Bangsamoro Basic Law.

Cynthia Martin/Niño Aclan

About hataw tabloid

Check Also

P120-K shabu nasabat live-in partners nasakote

P120-K shabu nasabat live-in partners nasakote

NASAMSAM ang P120,000 halaga ng hinihinalang shabu mula sa live-in partners sa ikinasang drug buy …

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Leave a Reply