This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
BINAWIAN ng buhay ang hepe ng Cabanglasan Municipal Police Station at ang kanyang deputy makaraan hagisan ng granada ng isang tauhan na nagpositibo sa droga sa Brgy. Poblacion, Cabanglasan, Bukidnon, dakong 7:20 p.m. nitong Lunes.
Nabatid na bago ang insidente, nagsagawa ng drug test ang pulisya at nagpositibo ang dalawa sa mga pulis na agad dinis-armahan.
Ayon kay Cabanglasan Mayor Reynante Inocando, nasa birthday celebration ng kasamahang pulis ang mga kawani ng Cabanglasan Municipal Police Station kasama ang hepe na si Sr. Insp. Crisanto Molina.
Ngunit habang naghahapunan, biglang lumabas si PO1 Gorospe Cairo, isa sa mga pulis na nagpositibo sa droga.
Pagbalik, may dala nang granada si Cairo na inihagis sa nakaupong si Molina. Agad binawian ng buhay ang hepe at namatay rin ang deputy niyang si Insp. Dexter Garcia.
Ayon kay Inocando, ikinagalit ni Cairo ang pagdis-arma sa kanya kasunod ng drug test.
BINAWIAN ng buhay ang hepe ng Cabanglasan Municipal Police Station at ang kanyang deputy makaraan hagisan ng granada ng isang tauhan na nagpositibo sa droga sa Brgy. Poblacion, Cabanglasan, Bukidnon, dakong 7:20 p.m. nitong Lunes.
