Monday , August 15 2022

SAF commandos sinadyang patayin ng MILF — Espina

FRONTHUMIHINGI ng paliwanag sa Moro Islamic Liberation Front (MILF) si PNP officer-in-charge Leonardo Espina hinggil sa “overkill” sa 44 Special Action Forces (SAF) members sa Mamasapano, Maguindanao noong Enero 25.

Inihirit ito ni Espina sa Senate hearing nitong Lunes hinggil sa madugong enkwentro ng SAF commandos sa mga miyembro ng MILF at Bangsamoro Islamic Freedom Fighters (BIFF) habang tinatarget ang mga teroristang sina Zulkifli bin Hir alyas Marwan at Basit Usman.

“We seek for clear answers for the other party of the peace process… 44 of my men from the Special Action Forces were killed in a brutal and merciless fashion.”

Tinawag niya itong “overkill” dahil sa paraan ng pagpaslang sa Fallen 44.

“Almost all were shot at close range in their heads, with high-powered rifles to see to it that they were dead. They were stripped off their uniforms, clothes, firearms and personal belongings and cellphones, even telling the wives of my men, ‘patay na ang asawa mo, ‘wag ka nang tumawag.’”

Sabi ni Espina, batay sa mga salaysay ng mga nakaligtas at  mga opisyal na nanggaling sa enkwentro pawang mga miyembro ng MILF ang pumaslang sa pwersa ng SAF.

Binanggit ni Espina na hindi maikakailang mga miyembro ng pulisya ang kanyang mga tauhan dahil sa suot nilang uniporme nang sumabak sa bakbakan.

Nanindigan ang PNP OIC na bagama’t suportado pa rin nila ang peace process ay dapat mapanagot ang pumaslang sa kanyang mga tauhan.

Reward sa Fallen 44 ikinakasa sa Kamara

MAGHAHAIN ng resolusyon si Quezon City Rep. Winnie Castelo para ipanawagan sa gobyerno at sa Estados Unidos na bahaginan din ng pabuya ang pamilya ng “Fallen 44 Heroes.”

Ayon sa mambabatas, panahon na para baguhin ang sistema sa pagbibigay ng reward o pabuya, upang mabiyayaan din ang mga awtoridad na nagbuwis ng kanilang buhay laban sa terorismo.

Base sa panuntunan, tanging ang impormanteng sibilyan ang pwedeng makatanggap ng pabuya na nakapatong sa ulo ng isang terorista o kriminal na maaaresto o mapapatay.

Sinasabing napatay si Marwan ng SAF personnel at napalaban sa MILF at BIFF na sinasabing nagkanlong sa teroristang may patong sa ulo na US $5 milyon

Batay sa naglabasang mga ulat, mapupunta sa dalawang miyembro ng Moro Islamic Liberation Front (MILF) ang nasabing reward na tumulong sa ‘Operation Exodus’ na inilatag ng PNP-SAF.

Jethro Sinocruz

About hataw tabloid

Check Also

BJMP DepEd

1,000 tauhan ng BJMP, tutulong sa Brigada Eskwela 

MAGPAPAKALAT si Bureau of Jail Management and Penology (BJMP) Chief Jail Director Allan Iral ng …

dead gun

Octogenarian ‘nagbaril’ sa sentido

NAGBARIL sa sentido ang 83-anyos lolo sa loob ng kaniyang silid sa Barangay Holy Spirit, …

081522 Hataw Frontpage

Endo sa gobyerno wawakasan na
HB 521 PAG-ASA NG CONTRACTUAL EMPLOYEES

BINIGYANG pag-asa ni Kabayan partylist Rep. Ron Salo ang mahigit 660,000 contractual at job order …

e-Sabong

Jobless dumami sa suspensiyon ng e-Sabong

BUKOD sa pananalasa ngpandemyang dulot ng CoVid-19, naniniwala ang mga taga-industriya na malaki ang naging …

riding in tandem dead

Bombay patay sa riding in tandem!

PATAY ang isang indian national habang nangongolekta ng 5-6 ng tambangan ito at pagbabarilin ng …

Leave a Reply