This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
CEBU CITY – Patay ang tatlong katao makaraan barilin ng isang lalaki kamakalawa sa Brgy. Buot-Taop, Lungsod ng Cebu, dahil sa findings ng albularyo na kinukulam ang suspek kaya siya nagkasakit.
Kinilala ang mga biktimang sina Gerardo Tangayan, 46-anyos magsasaka; Jeffrey Cabucayan, 23; at Jerome Cabucayan, 19; habang himalang nakaligtas si Rejel Tangayan, 16-anyos.
Ayon kay SPO4 Rey Cuyos ng homicide section, lumabas sa inisyal na imbestigasyon, sobrang galit ang suspek sa mga biktima kaya nagawa ang krimen.
Aniya, kamakalawa ng hapon ay nagtungo sa albularyo ang suspek na si Renato Cabradilla upang ipatingin ang kanyang sakit.
Sinasabing nakita ng albularyo na may kumukulam sa kanya kaya hindi magamot ng mga doktor.
Lumabas din sa pagsisiyasat na ang mga napatay ay nakaaway ng suspek dahil sa agawan ng lupain.
Patuloy ang paghahanap ng mga awtoridad sa suspek na tumakas makaraan ang krimen.
CEBU CITY – Patay ang tatlong katao makaraan barilin ng isang lalaki kamakalawa sa Brgy. Buot-Taop, Lungsod ng Cebu, dahil sa findings ng albularyo na kinukulam ang suspek kaya siya nagkasakit.
