Saturday , December 3 2022

Amok na walang tulog tigok sa parak (Anak, manugang, 1 pa tinaga ng samurai)

082714 police line crimePATAY ang isang lalaki makaraan pagbabarilin ng mga pulis nang mag-amok at managa na ikinasugat ng kanyang anak, manugang at isang kapitbahay kamakalawa sa Caloocan City.

Agad binawian ng buhay ang suspek na si Jesus Aquino, alyas Jojo, 39, residente ng 115 Libis Talisay Dulo,  Brgy. 12 ng nasabing lungsod, sanhi ng dalawang tama ng bala ng baril ng nagrepondeng mga tauhan ng Special Reaction Unit (SRU) ng Caloocan City Police.

Nilalapatan ng lunas sa Caloocan City Medical Center ang anak ng suspek na si Leslie Mae Aquino, 20, manugang na si Elmarch Malihan, 21, at kapitbahay na si Joshua Dapiton, 20-anyos.

Batay sa ulat ni PO1 Andrew Matining, naganap ang insidente sa Alley St., Libis Talisay Dulo ng nasabing barangay.

Dakong 11:30 a.m. naglalaba ang magtiyahing sina Maria Christina Llenaresas, 29, at Joshua Dapiton, 20, sa labas ng eskinita nang bigla silang sugurin ng taga ng suspek na armado ng samurai.

Tinamaan sa likod si Dapiton habang mabilis na nakatakas si Llenaresas. Pagkaraan ay mabilis na tumakas ang suspek.

Dakong 2:30 p.m. bumalik sa lugar ang suspek at tinaga sa likod ng ulo at katawan ang anak niyang si Leslie Mae. Umawat ang manugang na si Malihan ngunit maging siya ay inundayan ng taga kaya tinamaan sa ulo at kaliwang kamay.

Mabilis na nagresponde ang mga awtoridad para pasukuin ang suspek ngunit sinugod din sila ng taga ni Aquino kaya napilitan ang mga pulis na siya ay paputukan na naging dahilan ng kanyang kamatayan. 

Ayon sa mga kaanak ng suspek, tatlong araw nang hindi natutulog ang biktima at nagulat na lamang sila nang biglang mag-amok.

Rommel Sales

 

About hataw tabloid

Check Also

Arrest Posas Handcuff

Rank No. 10 MWP
WANTED SA ROBBERY, NASAKOTE SA KANKALOO

BAGSAK sa kulungan ang isang miyembro ng “Limos Carnapping Group” na nasa talaan bilang rank …

shabu drug arrest

P.1M shabu
2 BEBOT, TULAK, HULI SA DRUG BUST

TATLONG hinihinalang drug personalities, kabilang ang dalawang ginang ang kalaboso matapos makuhaan ng mahigit P.1 …

Sibuyas Onions

Magsasaka dehado sa planong  importasyon ng sibuyas — Imee

MAGIGING malungkot ang Pasko ng mga magsisibuyas sa walong lalawigan kung itutuloy ng gobyerno ang …

PHil pinas China

Joint exploration sa WPS, ituloy – Marcos Jr.

KAILANGANG makahanap ng paraan ang Filipinas para matuloy ang paggalugad sa West Philippine Sea (WPS) …

NTF-ELCAC

Pondo ng NTF-ELCAC ilipat sa serbisyo publiko — Makabayan

NANAWAGAN ang grupo ng Makabayan sa Mababang Kapulungan ng Kongreso na tapyasan ang P10 milyong …

Leave a Reply