This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
IBINASURA ng Malacañang ang panukala ni dating Pangulong Joseph “Erap” Estrada na all out war lamang ang solusyon sa secessionist problem sa Mindanao at hindi dapat pagkatiwalaan ang grupo ng Moro Islamic Liberation Front (MILF).
Magugunitang nagdeklara noon ng all out war si Estrada laban sa MILF at nakubkob ang mga kampo ng MILF at napahina ang kanilang pwersa.
Sinabi ni Communications Sec. Sonny Coloma, dapat bigyan ng pagkakataon ang kapayapaan dahil ang matagal na digmaan ay hindi nagresulta sa ganap na solusyon.
Ayon kay Coloma, hindi mareresolba ng digmaan ang kahirapan at kawalan ng oportunidad sa pag-unlad ng kabuhayan sa Mindanao.
“Binibigyan natin ng pagkakataon ang kapayapaan sapagka’t ang matagal na panahong pakikipagdigma ay hindi humantong sa ganap na solusyon sa problema ng kahirapan at kakulangan ng oportunidad para sa pag-unlad ng kabuhayan sa Mindanao,” ani Coloma.
IBINASURA ng Malacañang ang panukala ni dating Pangulong Joseph “Erap” Estrada na all out war lamang ang solusyon sa secessionist problem sa Mindanao at hindi dapat pagkatiwalaan ang grupo ng Moro Islamic Liberation Front (MILF).
