This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ARESTADO ng mga barangay tanod ang isang 33-anyos vendor makaraan molestiyahin ang 7-anyos batang babae sa loob ng isang kilalang fastfood chain sa Tondo, Maynila kamakalawa.
Kinasuhan ng acts of lasciviousness in relation to RA 7610 (Child Abuse) ang suspek na si Marcus Aurellus Aquino, ng Phase 3, Package I, Block 7, Lot 7, Bagong Silang, Caloocan City.
Sa isinumiteng ulat ni PO3 Jennifer De Leon kay Supt. Jackson Tuliao, hepe ng Manila Police District-Station 2 (Moriones), dakong 12 p.m. nang maganap ang insidente sa 2nd floor ng Jollibee sa Bambang corner Jose Abad Santos Ave., Tondo.
Salaysay ng biktima, pauwi na sila ng kanyang nakatatandang kapatid at isa nilang kaibigan galing sa kanilang eskwelahan nang magdesisyon silang kumain sa fastfood chain.
Ilang minuto lamang ang lumipas ay biglang lumapit sa kanila ang suspek at tinanong ang kanilang pangalan na kanilang sinagot.
Nagulat na lamang ang biktima nang bigla siyang hinalikan ng suspek at itinaas ang kanyang palda saka hinimas ang ari ng bata.
Bunsod nito, sumigaw sa paghingi ng tulong ang nakatatandang kapatid ngunit sinaway sila ng suspek.
“Huwag kayong maingay! Kapag nagsumbong kayo sa pulis, papatayin ko kayong lahat pati ang mga magulang ninyo!”
Pagkaraan, mabilis na lumabas ang suspek habang humingi ng tulong ang mga bata sa crew.
Kinabukasan ay naaresto ng mga barangay tanod ang suspek makaraan makilala sa CCTV footage ng fasfood chain.
ARESTADO ng mga barangay tanod ang isang 33-anyos vendor makaraan molestiyahin ang 7-anyos batang babae sa loob ng isang kilalang fastfood chain sa Tondo, Maynila kamakalawa.
