This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
SASAMPAHAN ng kasong kriminal ang contractor at may-ari ng ginagawang warehouse sa Guiguinto, Bulacan.
Ang ginagawang pader ng warehouse ay gumuho na ikinamatay ng 11 katao kasama ang isang buntis, at ikinasugat ng ilang katao.
Siniguro ni Bulacan Gov. Wilhelmino Alvarado na mananagot sa batas ang lahat ng responsable sa krimen.
Dagdag ng gobernador, batay sa nakuhang impormasyon, pag-aari ng Korean business group ang warehouse na ipaparenta sana sa grupo ng Korean traders para sa bag manufacturing.
Nakitaan din ang employer ng ilang paglabag sa pagpapatayo ng warehouse dahil wala itong safety, health program, at wala ring safety officer o safety engineer sa proyekto.
Dahil dito, pinahaharap ang principal employer na Number One Golden Dragon Realty, sub-constructor na Hoclim Company Construction Corporation para sa compliance report.
Samantala, nagsasagawa na rin ng hiwalay na imbestigasyon ang Department of Trade and Industry (DTI) na pinangunahan ni provincial director Zorina Aldana, para malaman kung pumasa sa quality standards ang mga ginamit na materyales.
Hindi rin nila inaalis ang posibilidad na nakaapekto ang tumamang lindol noong nakaraang linggo o hindi kaya’y ang malambot na lupa ang dahilan ng pagguho.
SASAMPAHAN ng kasong kriminal ang contractor at may-ari ng ginagawang warehouse sa Guiguinto, Bulacan.
