This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
WINAKASAN ng isang drug user ang sariling buhay sa pamamagitan ng pagbibigti makaraan ang mainitang pakikipag-away sa kanyang misis tungkol sa pera kamakalawa ng umaga sa Malabon City.
Kinilala ang biktimang si Nanding Paragas, nasa hustong gulang, residente ng 718 Gozon Compound, Rizal Avenue, Brgy. Tañong ng nasabing lungsod.
Batay sa ulat ni SPO1 Edsel Dela Paz, dakong 8:30 a.m. nang matagpuan ang nakabigting biktima sa unang palapag ng inuupahang bahay sa nasabing lugar.
Nauna rito, nakasagutan ng biktima ang misis niyang si Remy dahil sa problemang pinansiyal na humantong sa mainitang pagtatalo.
Pagkaraan ay hindi na nakausap ang biktima hanggang matagpuan ang kanyang bangkay na nakasabit sa bakal ng railing ng hagdanan sa unang palapag ng bahay.
Narekober ng mga awtoridad sa bulsa ng biktima ang sachet ng shabu na nakabalot sa P20 pesos na papel.
WINAKASAN ng isang drug user ang sariling buhay sa pamamagitan ng pagbibigti makaraan ang mainitang pakikipag-away sa kanyang misis tungkol sa pera kamakalawa ng umaga sa Malabon City.
