Friday , March 29 2024

Allen Dizon, nanalo ng apat na Best Actor sa loob ng limang buwan!

011415 Allen Dizon

00 Alam mo na NonieMATINDI ang na-achieve ni Allen Dizon nang manalo siya ng apat na Best Actor award sa loob ng limang buwan.

Unang nanalo si Allen sa 9th Harlem International Film Festival sa New York City noong September, sumunod ay sa 3rd Hanoi International Film Festival noong November at dito’y tinalo niya ang Hollywood actor na si Ralph Fiennes. Nanalo rin si Allen sa 2014M MFF New Wave Category nitong December. At sa pagpasok ng 2015, inanunsiyo naman na si Allen ang itinanghal na Best Actor sa 13th Gawad Tanglaw Awards.

Sa aking palagay, gumawa ng matinding record si Allen nang kanyang ma-achieve ang apat na Best actor award sa loob ng limang buwan para sa pelikulang ito na pinamahalaan ni Direk Jason Paul Laxamana.

Bale sa kabuuan, umabot na sa isang dosenang acting awards ang napanalunan ni Allen.

Nakapanayam namin si Allen recently at inusisa namin sa kanya kung ano ang masasabi niya sa sunod-sunod na acting awards na kanyang napapanalunan.

“Iyong mga festival na ganito, iba pa rin yung nasa Pilipinas, ‘di ba? Iba pa rin yung makatanggap ka ng award sa mismong bansa mo. Siyempre mas masarap yun, bonus na yun. Kaya sobrang blessings na para sa akin ito.

“Kasi sunod-sunod e, September, November, December, tapos ngayong January. Kaya nakakatuwa, nakakatuwa talaga,” masayang pahayag ni Allen.

Ano ba ang napi-feel niya kapag nananalo siya ng Best Actor award? “Siyempre, may kaba pa rin every time na may award’s night e. Iyong excitement na once na tatawagin yung pangalan mo, iba yung feeling e. Parang lagi kang lutang e, feeling ko parang nanalo ako sa lotto e,” wika pa ni Allen.

So, bale record ba yun na in five months ay apat na Best Actor award ang nakuha niya? “Oo, sa tingin ko. Parang parang record na yata ito, hindi ba?” sagot-tanong pa sa amin ng aktor. “Ibang accomplishment para sa akin ito,” dagdag pa niya.

Ang next project ni Allen para sa BG Productions ni Ms. Baby Go ay ang pelikulang Daluyong (Storm Surge) na malapit nang simulan. Ang role niya rito ay isang pari na may naanakang girlfriend at ayon kay Allen, isa ito sa pinaka-challenging na role na kanyang gagampanan.

Ang Daluyong ay pamamahalaan ni Direk Mel Chionglo at mula sa panulat ni Ricky Lee. Makakasama rito ni Allen sina Diana Zubiri, Eddie Garcia, Aiko Melendez, at iba pa.

ni Nonie V. Nicasio

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *