KAPWA patay ang magbiyenan nang pagbabarilin ng dalawang hindi nakilalang lalaki habang nagpapa-vulcanize ng gulong ng kanilang motorsiklo kahapon ng umaga sa Rodriguez, Rizal.
Kinilala ni Supt. Robert Baesa, hepe ng Rodriguez Police, ang mga napatay na sina Ricardo Fernandez y Reyes, 57, empleyado ng Manila City Hall, at si Enrique Paba y Ranque, 52, kapwa tubong Surigao del Norte, at nakatira sa Blk.1, Lot 67, Phase-1N, Southville 8C, Brgy. San Isidro, ng nabanggit na bayan.
Ayon sa imbestigasyon ni PO3 Eustacio Balando Jr., dakong 9:50 a.m. nang maganap ang insidente sa harap ng Emmaculate Concepcion Chapel, Sub-Urban Road, Brgy. San isidro sa lugar.
Magka-angkas ang magbiyennan nang maplatan ang kanilang motorsiklo kaya’t ipina-vulcanize sa lugar at naupo habang naghihintay.
Ngunit dumating ang dalawang suspek na lulan din ng motorsiklo at pinagbabaril ang dalawang biktima. Ed Moreno
