Friday , March 29 2024

Lahat ng sisi ibabato kay Floyd

082714 floyd pacman

MAY grupo sa Amerika na gumagalaw ngayon para dagdagan ang pressure sa balikat ni Floyd Mayweather Jr. na magdesisyon na para labanan si Manny Pacquiao.

Ang grupo ng boxing aficionados na sinasabi natin ay pinangalanang FLOYDCOTTS.

May layon ang grupo na presyurin si Floyd na harapin ang hamon ni Manny na siyang pinakahihintay ng lahat ng nagmamahal sa boksing.

At kapag hindi siya tumugon sa sigaw ng boxing aficionados—boboykotin nila ang mga susunod pang laban ni Floyd.

Ang grupong ito ay dati nang nabuhay sa panahon ni Roy Jones. Ito ay nang magdesisyon si Jones na labanan ang walang kaasim-asim na si Julio Gonzalez para sa pay-per-view. Pinangalanan silang ROYCOTT. Ang ibig sabihin ay iboykot si Roy.

May katwiran ang mga fans na magdikta ng magandang laban. Aba’y sila ang nagbabayad para sa kaganapan ng bawat bout. Karapatan naman nila na humiling ng magandang laban. Hindi yung magmumukhang one-sided ang bakbakan na walang tiyansa ang kalaban na manalo.

Obyus na ganoon ang ginagawa ngayon ni Floyd. Namimili siya ng kalaban na alam niyang walang tsansang manalo sa kanya.

Kaya siguro binuhay na naman sa Amerika ang grupo.

At kapag tuluyang nabuhay ang grupo dahil sa pagtanggi ni Floyd na labanan si Pacman, maraming tiyak ang sasama pa. Tiyak na lalangawin na ang mga susunod pang laban ni Mayweather.

Sinabi nga ni Don Chargin, isang beteranong sports writer, na ang Mayweather vs Pacquiao match-up ay dumating na sa pinakadulo ng papularidad. At kapag nadismaya pa ang boxing fans, tiyak na may buwelta iyon.

“You can’t keep doing this to the paying customers and expect them to be okay with it,” pahayag ni Chargin.

“Everyone involved needs to realize that the fight fans have been emotionally invested in this rivalry for the past several years, so they expect and deserve to witness the historic conclusion,” dagdag pa niya.

Sa kasalukuyan ay nasa Mayweather’s court ang bola. Lalo na nang direktamenteng naghamon si Pacquiao pagkatapos dominahin niya sa laban si Chris Algieri nitong nakaraang buwan.

At kapag hindi pa rin natuloy ang laban—lahat ng sisi ay ibabato kay Floyd ng fans.

 

ni ALex L. Cruz

 

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *