College basketball awards mamayang gabi

NAKATAKDANG bigyan ng espesyal na parangal ng UAAP-NCAA Press Corps sa idaraos na Smart 2014 Collegiate Basketball Awards mamayang gabi ang mga manlalaro at coaches na nagtagumpay ngayong taong ito.

Pangungunahan nina coach Eric Altamirano ng National University at Boyet Fernandez ng San Beda ang Coach of the Year award habang pararangalan naman bilang Collegiate Mythical Team sina Kiefer Ravena ng Ateneo, Earl Scottie Thompson ng University of Perpetual Help, Ola Adeogun ng San Beda, Mac Belo ng Far Eastern University at Jeron Teng ng De La Salle.

Tatanggap din ng parangal sina Anthony Semerad ng San Beda at Alfred Aroga ng NU bilang Pivotal Players, gayundin sina Glenn Khobuntin ng NU, Kyle Pascual ng San Beda at Almond Vosotros ng De La Salle bilang Super Senior.

Kasama rin sa mga pararangalan sina Troy Rosario ng NU bilang Breakthrough Player, Jiovani Jalalon ng Arellano University at Gelo Alolino ng NU bilang mga Impact Players at Baser Amer ng San Beda bilang ACCEL Court General.

(James Ty III)