Wednesday , April 17 2024

Letran may bagong coach

SIMULA sa susunod na taon ay may bagong coach na ang Letran sa NCAA men’s basketball.

Ayon sa ulat ng www.spin.ph, hinirang ng pamumuan ng kolehiyo si Aldrin Ayo bilang kapalit ni Caloy Garcia na hindi na pinapirma ng bagong kontrata pagkatapos na ito’y mapaso na noong isang buwan.

Si Ayo ay dating manlalaro ng Letran sa NCAA at kakampi niya noong mga panahong iyon sina Kerby Raymundo at Chris Calaguio na naglaro na sa PBA.

Sa ngayon, si Ayo ay konsehal sa lalawigan ng Sorsogon at isa siya sa mga assistant coaches ni Manny Pacquiao sa Kia Sorento sa PBA.

Nagdesisyon ang Letran na sibakin na si Garcia dahil hindi nakapasok ang Knights sa Final Four ng huling NCAA season pagkatapos na umakyat sa PBA ang dating sentro nilang si Raymond Almazan.

Bukod kay Ayo, may isa pang bagong coach sa NCAA sa susunod na taon sa katauhan ni Jamike Jarin na papalit kay Boyet Fernandez sa paghawak ng San Beda Red Lions.

Inaasahan ding iaanunsiyo sa Enero ang mga bagong coaches ng Lyceum at Emilio Aguinaldo Colleges kapalit nina Bonnie Tan at Gerry Esplana na parehong nagbitiw sa trabaho.

Nanganganib ding masibak sa trabaho ang coach ng San Sebastian College na si Topex Robinson pagkatapos na aminin niya ang kanyang pagkukulang sa Stags.

Bukod pa rito ay umalis na sa kampo ng SSC ang power forward na si CJ Perez na lilipat na sa Ateneo sa UAAP ngunit sa 2016 pa siya puwedeng maglaro sa Blue Eagles.

(James Ty III)

About hataw tabloid

Check Also

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Leave a Reply

Your email address will not be published. Required fields are marked *