HATAW! D'yaryo ng Bayan hatawtabloid.com
DERETSO sa hoyo ang 42-anyos driver ng isang light and sound company nang masagasaan ng minamanehong truck ang lalaking tumalon sa isang footbridge sa Pasay City, kamakalawa ng madaling araw.
Hindi na umabot nang buhay sa Pasay City General Hospital ang biktimang si Aguinaldo Bernardo Obrino, ng 72, 2nd St., NAIA Road, Barangaya Pildera II ng nasabing lungsod.
Habang nakapiit sa Pasay City Police detention cell ang suspek na si Roby Baldo Calinawan, kawani ng Beat Box, ng Brgy. Zapote 3, Las Piñas City, nahaharap sa kasong reckless imprudence resulting in homicide.
Batay sa imbestigas-yon ni SPO1 Ricky Murillo, naganap ang insidente dakong 2:40 a.m. sa 2nd St., NAIA Road, Pildera II Pasay City.
Ayon sa pulisya, tumalon ang biktima mula sa footbridge ng MMDA at nang bumagsak ay nasagasaan ng truck.
Isinugod agad ang biktima ng rescue team sa naturang ospital ngunit hindi na umabot nang buhay sanhi nang matinding pinsala sa ulo.
Jaja Garcia
