Chickboy pinutulan ng putoy ni misis

KORONADAL CITY – Bunsod nang matinding selos, pinutol ng isang ginang ang ari ng kanyang mister sa lalawigan ng Maguindanao.

Kinilala ang biktimang si Aladin Mangudadatu Dimawali, residente ng Buluan, Maguindanao habang ang misis ay kinilala lamang sa alyas Neneng.

Ayon sa impormasyon, pasado 8 p.m. nang lasing na umuwi ang biktima at nagkaroon sila ng argumento ng kanyang misis.

Makaraan ito, pumunta sa kwarto ang biktima at agad nakatulog dahil sa kalasingan. Ngunit habang natutulog, kumuha ng kutsilyo ang suspek, hinubad ang pantalon ni mister at pinutol ang ari ng biktima.

Nabatid na matagal nang nagtitimpi ang misis sa mga ginagawa ni mister kaya’t nakapag-desisyon na gawin ang nasabing hakbang.

Ginagamot sa South Cotabato Provincial Hospital ang biktima at inaalam pa kung maaari pang madugtong ang naputol niyang ari.

Nitong nakalipas lamang na linggo, may nangyari rin kahalintulad na ulat sa bahagi ng Pa-ngasinan.

Beth Julian