BAGONG milyonaryo ang isang 25-anyos janitor nang manalo sa Super Lotto 6/49 ng Philippine Charity Sweepstakes Office (PCSO).
Kinobra na ng janitor sa isang tanggapan ng pamahalaan sa Quezon City ang P16 milyong jackpot sa lotto draw noong Nobyembre 4.
Limang taon nang tinatayaan ng lalaki ang kombinasyon ng mga kaarawan ng lima niyang kapatid na 21-43-11-03-29-47 bago lumabas sa bola noong nakalipas na linggo.
Si Acting Chairman Atty. Jose Ferdinand Rojas II ang nag-abot ng premyo sa solo winner.
Ayon sa janitor, ga-gamitin niya ang premyo para sa pagbili ng bahay at lupa, pagpapaaral sa mga kapatid at ipon para sa kinabukasan.
