HATAW! D'yaryo ng Bayan hatawtabloid.com
HUBO’T HUBAD, nakasalamin sa mata at naka-tsinelas lamang ang isang retiradong civil engineer nang matagpuang walang buhay sa loob ng kanyang bahay sa Malabon City kamakalawa ng gabi.
Kinilala ang biktimang si Roberto Altares, 79, ng 102 Espiritu St., Brgy. Tinajeros ng nasabing lungsod.
Batay sa ulat ni PO3 Rommel Habig, dakong 6:10 p.m. nang matagpuan ang bangkay sa harap ng dining table.
Ayon sa ilang kapitbahay ng biktima, huling nakita si Altares na lumabas ng bahay dakong 8 p.m. nang sinundang gabi upang magpa-load sa katabing tindahan.
Kamakalawa ng gabi ay natagpuang matigas nang bangkay ang biktima at hubo’t hubad na nakatihaya sa tabi ng dining table.
Iniimbestigahan ng mga awtoridad kung may naging bisita ang suspek bago siya natagpuang walang buhay.
Rommel Sales
