HR manager ng SM projects utas sa ambush

PATAY ang isang 42-anyos human resources (HR) manager ng Monolith Construction and Development Corp., makaraan tambangan ng apat hindi nakikilalang mga suspek sa Panay Ave., Brgy. Paligsahan, Quezon City, Huwebes ng gabi.

Ang Monolith ang gumawa ng MOA Arena at iba pang project ng malalaking mall sa bansa.

Dakong 6 a.m. nang lapitan ang itim na Toyota Vios na minamaneho ni Menchu Gochingco ng mga suspek lulan ng dalawang motorsiklo, ayon sa mga residenteng nakakita.

Bumaba ang gunman saka pinagbabaril ang biktima. Naitakbo sa Capitol Medical Center si Gochingco ngunit binawian din ng buhay dakong 8:00 pm intensive care unit (ICU) ng ospital.

Nagba-backtracking na ang Criminal Investigation and Detection Unit (CIDU) sa naganap na ambush upang malaman ang motibo. May artist sketch na rin ang pulisya sa mga suspek.

May isa nang tinutunton ang Quezon City Police District para malaman kung sino ang pumatay sa biktima.

Jethro Sinocruz