HATAW! D'yaryo ng Bayan hatawtabloid.com
PATAY ang isang 48-anyos lalaking presidente ng home owners association makaraan barilin ng hindi nakilalang salarin habang nagliligpit ng paninda kamakalawa ng gabi sa Malabon City.
Hindi na umabot nang buhay sa Tondo Medical Center ang biktimang si Egmedio Salvan, 48, presidente ng Gulayan Homeowners Association at residente ng 22 Sitio Gulayan, Brgy. Concepcion ng nasabing lungsod.
Habang tinutugis ng mga awtoridad ang suspek na tumakas makaraan ang insidente.
Nagliligpit ng paninda ang biktima sa kanyang sari-sari store nang dumating ang suspek at siya ay pinagbabaril.
Ayon sa misis ng biktima na si Delia, posibleng dahil sa alitan sa lupang kinatitirikan ng kanilang bahay ang motibo sa pagpaslang.
Aniya, sinisikap ng biktima na ayusin ang mga titulo ng mga lote sa kanilang lugar ngunit may mga komokontra dahil mawawalan ng malaking koleksiyon mula sa mga nangungupahan sa lugar.
(ROMMEL SALES)
