Wednesday , July 24 2024

Ekonomiya ng ‘Pinas babagsak?

Hindi lamang ang popularidad ni Pangulong Noynoy Aquino ang sasadsad dahil sa kontrobersiyang dulot ng PDAP at DAP dahil nakikita nating ang problema sa kakapusan ng suplay ng kor-yente sa bansa ang mas dapat pinaghahandaan ng lahat lalo’t higit ng pamahalaan.

Nakapagtataka lamang kung bakit ngayon lamang isinambulat ng pamahalaan lalo’t higit ng Energy Department gayong tiyak tayong ang problema sa kakulangan sa suplay ng koryente ay matagal na nilang alam at sigurado tayong na-kita nila ito sa panahon pa lamang ni dating Energy Sec. Rene Almendras.

Grabeng tiyak ang maging parusa nito sa ekonomiya ng bansa na may “domino effect” naman sa buhay at pamumuhay ng bawat isang Pilipino.

Kung hindi masosolusyonan ang naturang problema sa koryente ayon kay Valenzuela City Cong. Sherwin Gatchalian ay malinaw na bubulusok ang tinatamong “economic growth” ng ‘Pinas na siyang maglalagay muli sa dati nitong bagsak na estado.

Sa ngayon kasi ay malinaw sa buong mundo na malakas ang ekonomiya ng Pilipinas at tinatawag pa nga tayong “fastest growing enonomy” sa Asia pero kapag hindi ito natutukan nang maayos ng pamahalaan at naubos ang oras sa pagpapaliwanag ng DAP at PDAP ay tiyak na babalik ta-yong muli sa lalong karukhaan.

Malinaw na ang problemang nabanggit ay bunga ng kawalan ng long term plan ng mga nakalipas at kasalukuyang nanungkulan sa pa-mahalaan sa suplay ng koryente.

Kulang na kulang tayo sa aspetong ito ng paghahanda at pag-aanalisa sa mga posibleng mangyari kaya’t ito na nga ang naging bunga ng kawalang pokus ng gobyerno. Siyempre kapag walang suplay ng koryente ay apektado ang produksiyon ng mga kompanya at dito mangagugutom ang mamamayan dahil tiyak na mababawasan ang kanilang working hours.Inaantay ng tao ang solusyon ni PNoy sa krisis sa koryente at iyan ang mas kaabang-abang sa kanyang SONA sa Lunes dahil sawa na rin naman ang mamamayan sa isyung DAP na alam naman nating ubos na at pinakinabangan na lamang ng iilan.

Alvin Feliciano

About Alvin Feliciano

Check Also

Dragon Lady Amor Virata

Mag-asawa for mayor sa 2025 local elections

Isumbong mokay DRAGON LADYni Amor Virata SABI ni Parañaque City Cong. Edwin Olivarez, ang utol …

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Cecille Bravo PWDW Filmfest Peoples Legacy Awards

PWDW Filmfest People’s Legacy Awards 2024 matagumpay

MATABILni John Fontanilla MATAGUMPAY ang inaugural PWDW Film Fest People’s Legacy Awards 2024 na ginanap sa  QCX …

Leave a Reply

Your email address will not be published. Required fields are marked *