VIGAN CITY – Tatlong sundalo ang kompirmadong patay sa pananambang sa Brgy. Remedios, Cervantes, Ilocos Sur kamakalawa.
Kinompirma ni Vice Mayor Rodolfo Gaburnoc, ang mga namatay ay pawang miyembro ng 51st Infantry Batallion na babalik na sana sa kanilang kampo .
Naniniwala si Gaburnoc na ang mga rebeldeng New People’s Army (NPA) ang responsable sa pananambang.
Iniimbestigahan pa ng mga awtoridad ang insidente at inaalam ang pangalan ng napatay na mga sundalo. (BETH JULIAN)
