Karylle, namroroblema sa pag-aasikaso ng kasal (Vice, ‘di na tuloy ang pagni-ninong)

ni Reggee Bonoan

NGARAG ang beauty ngayon ni Karylle Tatlonghari dahil halos sunod-sunod ang meeting  niya tungkol sa nalalapit nilang kasal ng husband-to-be na si Yael Yuzon.

Nakitang may ka-miting ang TV host/singer sa isang restaurant sa Quezon City at seryoso raw at nang matapos daw ay parang problemado dahil marami pa pala siyang dapat asikasuhin gayung ilang araw na lang at ikakasal na siya.

Base sa tsika sa amin ng nakakita, “parang hindi pa yata ayos ang venue ng wedding or something, pati yata ang reception.  Kasi pini-present pa lang kay Karylle ‘yung mangyayari. Tapos nakita ko pinapatawa siya niyong mga kasama niya kasi she looks stress na.”

Sabagay, ganito naman ang kadalasan naming naririnig sa mga ikakasal na hirap silang mag-asikaso kaya pagdating mismo ng araw ng kasal ay mukha silang mga walang tulog na idinaan lang sa make-up.

And do we hear it right, pati yata visa ay hindi pa rin naayos ni soon to be Mrs. Yuzon para sa bansang pupuntahan nila pagkatapos ng kasal?

Anyway, nalaman naming hindi na natuloy si Vice Ganda na kuning ninong nina Karylle at Yael dahil bukod sa wala sa bansa ang singer/comedian/actor ay masyado pa siyang bata para mag-ninong sa kasal.