Wednesday , January 26 2022

Bunutan sa FIBA World Cup gagawin ngayon

GAGAWIN ngayong madaling araw, oras sa Pilipinas, ang bunutan para sa mga braket para sa FIBA World Cup sa Espanya.

Kinatawan ng Pilipinas sa bunutan ang head coach ng Gilas Pilipinas na si Vincent “Chot” Reyes, kasama ang team manager na si Salvador “Aboy” Castro.

Malalaman na sa nasabing bunutan kung saang grupo ilalagay ang Gilas ngayong kumpleto na ang 24 na bansang kasali sa torneo sa pangunguna ng punong abalang Espanya at ang defending champion na Estados Unidos na pinagbibidahan ng mga NBA superstars tulad nina LeBron James at Kevin Durant.

“It doesn’t matter kung saan kami ilalagay,” wika ni Reyes. “It’s good to be bracketed with the US para makalaban natin … Pero hindi ko na iniisip ‘yun. Ang iniisip ko, sana may team na ako. My thoughts now is to have a team. I hope that we will have a well-prepared team.”

Kasali rin sa torneo ang iba pang mga qualifiers mula sa mga FIBA tournaments tulad ng Iran, South Korea, Angola, Argentina, Australia, Croatia, Dominican Republic, Egypt, France,  Lithuania, Mexico, New Zealand, Puerto Rico, Senegal, Serbia, Slovenia at Ukraine.

Nakapasok naman bilang mga wildcard ang Brazil, Finland, Greece at Turkey.

Hindi nakapasok ang Tsina bilang wildcard pagkatapos na umatras ito dulot ng problema sa kanilang koponan na pumalpak sa huling FIBA Asia noong Agosto dito sa Pilipinas.

Hindi rin kasali ngayong taong ito ang Alemanya, Italya at Canada.

Pagkatapos ng bunutan, dadalo sina Reyes at Castro sa gym at training facilities na gagamitin ng Gilas sa kanilang pagbiyahe sa torneo.

Umaasa rin si Reyes na magiging punong abala ang Pilipinas sa FIBA World 3×3 ngayong taong ito at ang susunod na qualifier ng FIBA Asia para sa 2016 Olympics sa Rio de Janeiro, Brazil.

Naghahanda ngayon ang SBP, sa tulong ni Rep. Robbie Puno ng Antipolo, ang pag-naturalize ng mga manlalaro ng NBA na sina JaVale McGee at Andray Blatche para makasama sila sa lineup ng Gilas para sa World Cup.

(James Ty III)

About hataw tabloid

Check Also

Mayweather umamin walang babaeng pinakasalan

ISA sa pinakamagaling na boksingero si Floyd Mayweather sa mundo ng boksing sa lahat ng …

Sen. Pimentel Thanksgiving Online Chess Tournament

PABORITO sa laban sina International Master Barlo Nadera ng Mandaue City, International Master Ricardo De …

Terrence Romeo Beatrice Pia White

Terrence Romeo unfair na makaladkad sa kaso ng dating asawang si White

HATAWANni Ed de Leon EWAN kung bakit pinalalabas pang animo blind item ang pagkaka-aresto sa …

Dennis Orcollo

Dennis Orcollo na-deport mula sa US

IPINATAPON ng Estados Unidos ang isa sa pinakamagaling  na manlalaro ng bilyar sa Filipinas na …

EJ Obiena PATAFA

EJ Obiena magsasampa ng kaso sa mga nanira sa kanyang ina

NAGHAHANDA ang legal team ni pole vaulter EJ Obiena para linisin ang kanyang pangalan at …

Leave a Reply