Thursday , September 29 2022

Davidson bubusisiin ng BIR

IKINOKONSIDERA ng Bureau of Internal Revenue (BIR) ang pag-imbestiga kay Davidson Bangayan o David Tan upang malaman kung nagbabayad siya nang tamang buwis.

Ayon kay BIR Commissioner Kim Henares, maraming naiulat na naging mga negosyo si Bangayan, sinasabing pawang mga walang kaukulang dokumento.

Inihayag ng opisyal na patuloy pa ang pangangalap ng ahensya ng mga ebidensya at iba pang mga dokumento.

Napag-alaman, una nang inamin ng sinasabing rice smuggler king na mayroon siyang negosyong metal scrap, bigasan, at iba pa.

(BETH JULIAN)

BANTA NI DUTERTE VS DAVIDSON ‘DISTURBING’ DE LIMA

DESMAYADO si Justice Sec. Leila de Lima na hindi pinuna at hindi direktang sinaway ng mga senador ang pagbabanta ni Davao City Mayor Rodrigo Duterte nang sabihin na kaya niyang pumatay ng smuggler at handa rin siyang makulong.

Napapailing din siya sa reaksyon ng ibang mambabatas na tinawag pang “idol” ang kontrobersyal na alkalde at may pagkakataon pa na tinawag na “Senator Duterte.”

Ayon kay De Lima, ayaw niyang pangunahan ang mga senador ngunit maituturing na “disturbing” ang mga pahayag ukol sa pagpaslang ng tao, kriminal o hindi.

“That is so disturbing. You cannot just do that. Rule of law tayo, ‘di ka lang basta-basta magpatay ng tao. I find it disturbing,”€wika ni De Lima.

Giit ng kalihim, nasa pamahalaan pa rin ang alkalde na nangangahulugang sakop ang opisyal ng mga umiiral na batas.

Nairita rin ang kalihim sa mga pahayag ni Duterte na puro lamang salita ang mga ahensya ng gobyerno at kulang sa gawa.

Dapat aniyang maunawaan ng Davao mayor na tumutugon lamang sila mga tanong ng media at publiko kaya nagsasalita.

Habang hindi naman maaaring ilabas lahat sa taongbayan ang buong detalye ng kanilang mga aksyon, lalo na sa paghahabol sa mga smuggler dahil may maseselang bahagi ito na maaaring makaapekto sa kanilang trabaho.

About hataw tabloid

Check Also

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

NBI

Tinapyas na budget ng NBI ibalik, laban vs cybercrimes paigtingin – solon

SA LAYUNING mapaigting ang laban ng bansa kontra insidente ng cybercrimes, kumilos si Senador Win …

092722 Hataw Frontpage

Sa agrikultura
P141.38-M PINSALA NI KARDING 

TINATAYANG aabot sa P141.38 milyon ang pinsala at pagkalugi sa agrikultura dulot ng bagyong Karding, …

5 RESCUERS PATAY SA FLASH FLOOD NG ULAN NI KARDING (Sa San Miguel, Bulacan)

Sa San Miguel, Bulacan
5 RESCUERS PATAY SA FLASH FLOOD NG ULAN NI KARDING

BINAWIAN ng buhay ang limang rescuers sa matinding pagbaha sa Brgy. Camias, bayan ng San …

Leave a Reply