Wednesday , May 29 2024

Green Archers babawi sa Red Warriors

Bahagyang pinapaboran ang La Salle Green Archers na makabawi kontra University of the East Red Warriors sa kanilang pagkikita sa 76th University Athletic Association of the Philippines (UAAP) Men’s Basketball Tournament mamayang 4 pm sa Smart Araneta Coliseum sa Quezon City.

Sa unang laro sa ganap na 2 pm ay inaasahan din na mamamayagpag ang National University Bulldogs kontra University of the Philippines Fighting Maroons.

Ang Green Archers ay galing sa morale-boosting, 66-64, panalo kontra arch-rival Ateneo Blue Eagles noong Linggo upang umangat sa 7-4.

Kung makakaganti ang La Salle sa UE na nagwagi, 85-83, sa kanilang unang pagtatagpo noong Hulyo 20, ay makakatabla ng Green Archers sa ikalawang puwesto ang sumasadsad na Far Eastern University Tamaraws.

Nalasap ng Tamaraws ang ika-apat na pagkatalo sa limang games sa second round nang sila’y masilat ng University of Santo Thomas Growling Tigers sa double ovetime, 79-78, noon ding Linggo.

Ang La Salle, na ngayon ay hawak ni head coach Juno Sauler ay pinamumunuan nina Norbert Torres, Arnold Van Opstal, LA Revilla at Almond Vosotros. Magbabalik sa active duty na si Tomas Torres matapos ang one-game suspension.

Patuloy namang mami-miss ng Red Warriors sina Charles Mammie at Lord Kasajeros na kapwa suspendido.

Ang Red Warriors ni coach David Zamar ay nasa ika-anim na puwesto at may 5-5 na record.

Ang Bulldogs ni coach Eric Altamirano ay nangunguna sa kasalukuyan sa kartang 8-3. Dinaig nila ang Fighting Maroons, 74-60, noong Hulyo 14.

Ang NU ay patuloy na sasandig kay two-time Most Valuable Player  Bobby Ray Parks. Ang iba pang inaasahan ni Altamirano ay sina Emmanuel Mbe, Gelo Alolino, Lee Villamor at Jeoffrey Javillonar.

Ang Fighting Maroons, na ngayon ay hawak ni coach Ray Madrid, ay wala pang panalo sa sampung games at hindi na makakahabol sa Final Four.

(SABRINA PASCUA)

About hataw tabloid

Check Also

Henry Roger Lopez Chess

Panabo Knights Chess Club nanguna sa ACAPI chess winners

MANILA — Inihayag ni ACAPI (Association of Chess Amateurs in the Philippines, Incorporated) President Arena …

Lala Sotto MTRCB

PVL ipinatawag ng MTRCB, code of ethics babalangkasin

SUPORTADO ng Movie Television Review and Classification Board (MTRCB) ang hakbang ng Premier Volleyball League (PVL) na bumalangkas ng …

Richard Villaseran Michael Jan Stephen Rosalem Iñigo

5 King’s Gambit Online Chess School bets kalipikado sa Palarong Pambansa

MANILA — Ipinakita ng King’s Gambit Online Chess School ni Coach Richard Villaseran kung bakit …

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Leave a Reply

Your email address will not be published. Required fields are marked *