Ai Ai, taimtim na nagdarasal sa Baclaran church

NAISAMA ako minsan ni Konsehala  Barbara Milano na nagsimba sa Baclaran church ata parang ayaw kong maniwala sa nakita kong isang artista ang nakaluhod habang nagdarasal. Hindi kasi ako sanay makakita ng artistang nakaluhod.

Tama ang hula namin ni Barang, si Ai Ai delas Alas iyong nakita namin. Walang gaanong nakakapansin kay Ai Ai dahil simple lang ang suot at nag-iisa.

Ngayon hindi nakapagtataka, kung bakit bumabalik ang suwerteng muntik makawala sa kanya noon.

Ngayon, reyna muli si Ai Ai sa network na nilapatan at marami pa ring blessings ang dumating. Natagpuan niya sa GMA ang matagal na niyang hinahanap, ang mga project at pagmamahal. Bongga ang ratings ng Sunday show na kinabibilangan.

Lalong sumaya si Ai Ai noong kunin ni Mother Lily Monteverde at gawing isang Regal Baby. Sagot sa mga dasal ni Ai Ai sa mga blessing na dumating.

Ano pa nga baa ng mahihiling pa ng isang Ai Ai delas Alas?

SHOWBIG – Vir Gonzales