HATAW! D'yaryo ng Bayan hatawtabloid.com
NAPANOOD namin ang Everything About Her mula sa Star Cinema na bida siGov. Vilma Santos. Kasama rito si Xian Lim na gumaganap bilang si Albert na solong anak ni Ate Vi.
Tama ang sinabi ng Star For All Seasons noong presscon ng kanilang pelikula na mahusay sa pelikula si Xian.
In fairness, napaiyak kami ni Xian sa eksena sa hospital kasama si Ate Vi na inilalabas niya ang sama ng loob sa award-winning actress dahil napabayaan siya nito dahil sa career bilang isang successful at powerful businesswoman.
Ang husay-husay ng aktor, natural na natural ang akting na ipinakita sa eksenang iyon kasama ang Star For All Seasons.
Kapag napanood ng detractors ni Xian, ‘yung mga nagsasabing bano siyang umate ang EAH, tiyak pupurihin na nila ang akting ng ka-loveteam ni Kim Chiu.
Hindi na nila sasabihing hindi ito marunong umarte.
MA at PA – Rommel Placente
