HATAW! D'yaryo ng Bayan hatawtabloid.com
RUMATSADA agad sa takilya noong opening day ang Regal Entertaiment MMFFentry na Haunted Mansion. Mahigit P10-M ang hinamig nito sa box office kaya naman pasok siya sa Top 3 entries na dinaragsa ng manonood sa taunang festival.
Dehado ang dating ng HM nang i-announce na isa ito sa walong napiling entries. Wala pa kasing pruweba sa takilya ang lead teen stars na sina Janella Salvador, Marlo Mortel, at Jerome Ponce. Pero naniniwala ang mag-inang Lily at Roselle Monteverde sa kakayahan nilang magdala ng pelikula at hindi sila nagkamali sa pagsusugal na bigyan ng break sa big screen ang tatlo sa promising stars ngayon.
Of course, pinili ng mag-ina ang premyadong director na si Jun Lana na siyang magdirehe ng horror movie. Panalo ang pagkakagawa ni Lana ng pelikula kaya naman matindi ang hatid na takot ng movie, kaya palakpakan ang manonood after ng screening!
Kitang-kita rin naman kasing ginatusan ng Regal ang HM. Mabagsik din ang krebidilidad ng istorya nito kaya naman tunay an screamfest ang maririnig sa loob ng bawat sinehan!
Bilang mensahe ni Mother Lily sa buhos na suporta ng publiko sa Haunted Mansion, sinabi niyang, ”Thank you for supporting Regal and I am very happy to gross P10-M plus. Me and Roselle plus the whole team try our very best to make this picture successful and considering our cast of stars who are all new but we try to make this new stars fulfill their goals in life.”
Sa lakas sa takilya ng HM, mula sa 48 cinemas at ilan sa probinsiya, nadagdagan na ito simula noong third day ng MMFF. Isinalang na rin ang horror movie sa mga sinehan ng SM Tarlac, Baguio, Sta. Rosa, Lucena, Batangas, Waltermart Tanauan, Sta.Lucia, Robinson’s Iloilo, Dasmarinas, at Bacolod.
Patuloy na tuklasin ang hiwaga sa loob ng Haunted Mansion sa natitirang araw ng festival at tiyak sulit na sulit ang inyong ibabayad!
SHOWBIZ KONEK – Maricris Valdez Nicasio
