HATAW! D'yaryo ng Bayan hatawtabloid.com
TACLOBAN CITY – Umabot sa 11 inmates ang namatay makaraan ang naganap na sunog sa Leyte Penal Colony sa Abuyog, Leyte na tuluyang na-fire out kahapon ng madaling araw.
Ayon kay Leyte Provincial Police Office (LPPO) spokesperson, Chief Insp. Edgardo Esmero, posibleng ang mga biktima ay nasa bartolina at nakalimutang i-unlock ang mga padlock nang maganap ang sunog.
Sa inisyal na report na natanggap ng LPPO, umaabot sa 1,245 inmates pa lang mula sa kabuuang 1,256 ang ‘accounted’ makaraang ideklarang fire out ng Bureau of Fire Protection ang sunog.
Ang itinuturong dahilan ng BFP sa posibleng pinagmulan ng sunog ang faulty electrical wiring sa banyo ng Building 1 ng maximum security compound.
Nadamay rin sa sunog pati ang hospital building nang nasabing piitan.
Patuloy ang imbestigasyon upang mabatid ang naging sanhi ng sunog.
3 INMATES PUMUGA SA ALBAY
LEGAZPI CITY – Nagsasagawa ng manhunt operation ng mga awtoridad makaraang makatakas ang tatlong bilanggo mula sa kanilang selda sa Tabaco City Police Station kahapon ng umaga.
Kinilala ang mga tumakas na sina Virgilio Bonaobra, 30; Rondell Ryan Coral Carbonel, 38, at Mark Anthony Yacat, 23, pawang nakulong dahil sa pagkakasangkot sa ilegal na droga.
Sa inisyal na imbestigasyon, nilagare ng tatlong inmates ang rehas ng kanilang kulungan at sabay-sabay na tumakas habang hindi namamalayan ng ilan pang kasama nila sa selda.
Ayon kay Senior Insp. Darwin Asejo, hepe ng Tabaco CPS, kasabay ng kanilang manhaunt operation ang ginagawang imbestigasyon sa kanilang mga duty personnel na hindi namalayan ang pagtakas ng tatlo.
