Beyonce bumili ng £200k na sapatos

BUMILI si Beyonce Knowles ng pares ng sapatos na nagkakahalaga ng £200k, o mahigit 14 milyong piso.

Hindi pa lang makompirma kung kasama rin sa pagbili nito ang isang Range Rover.

Ang napaulat na ‘outrageous purchase’ ay ginawa ng pop icon sa Birmingham—ang katapat ng American Rodeo Drive sa United Kingdom, na binilhan ni Bey bago magsimula ng kanyang video shoot.

At ano nga ba ang kakaiba sa sapatos na nagkakahalaga ng £200k? Aba, mga brilyante umano.

Sa katunayan, sa ganitong presyo ay makaaasang mayroong mamahaling mga hiyas para sa isang pares ng sapatos.

Tumpak, ang heels nito’y binudburan ng ilang piyesa ng makikinang na bato na sina-sabing magpapakinang na parang tunay na bituin ang misis ni Jay Zsa kanyang bagong video.

Ang glittery heels ay disenyo ng British designer na si Christopher Michael Shellis, na mula rin sa Birmingham, at may offer pang 1,000-year guarantee.

Nakatutuwa sigurong malaman na ang iyong sapatos ay may mas mahabang life expectancy.

At nakatutuwa rin ang pahayag ng pamosong shoe designer.

Sabi niya sa Birmingham Mail: “Ito ang ultimate, isa si Beyonce sa mga fantasy customer. Kung nais mong imodelo ng sinoman ang iyong mga likha, wala nang iinam pa kay Beyonce. Sinabihan ako na ang mga stiletto ay para sa susunod ni-yang video na lalabas na taglagas (autumn).”

Kinalap ni Tracy Cabrera