Tuesday , December 6 2022

13-anyos dalagita niluray ng BF ng ina

BAGAMA’T walang suporta ng kanyang sariling ina, desidido ang 13 anyos dalagita na maghain ng kasong rape laban sa boyfriend ng ina na gumahasa sa kanya habang nakatutok sa kanyang ulo ang .45 kalibre baril sa Cavite City.

Batay sa sinumpaang salaysay ng biktimang itinago sa pangalang Mae, sa National Bureau of Investigation-Tagaytay City, naganap ang panghahalay sa kanya ng suspek na si Marvin Quintana, 29, ng Brgy. Inocencia Southville, Trece Martirez City, noong Hulyo 6, 2015 sa loob ng kanilang bahay.

May lagnat ang biktima at natutulog sa loob ng kanyang silid nang pumasok ang suspek at tinutukan siya ng baril.

Nagbanta aniya ang suspek na huwag siyang sisigaw dahil siya ay papatayin gayondin ang kanyang lola na nagbabantay sa kanilang grocery store sa tabi lamang ng kanilang bahay.

“Di ako nakasigaw at puro iyak lang, malakas ang ulan noon kaya ‘di ako narinig ng aking lola, paulit-ulit n’ya sinabi na papatayin kami maglola kaya wala akong nagawa,” ayon pa sa biktima.

Nang maisakatuparan ang masamang balak, kaswal lamang na lumabas ng silid ang suspek at dumiretsong umuwi sa kanilang bahay na katapat lamang ng bahay ng mga biktima.

Agad ipinagtapat ni Mae sa kanyang lola ang ginawang kahalayan suspek ngunit natakot dahil may baril si Quintana kaya hindi nakapagsumbong sa mga pulis ang matanda.

Makaraan ang tatlong araw, dumating ang ina kaya agad nagsumbong si Mae ngunit imbes pakinggan ay mas pinaniwalaan ang suspek.

Inamin ng lola na masama ang kanyang loob sa sariling anak dahil mas kinampihan ang kinakasama.

Ang ina ng biktima at ang suspek ay kasalukuyang nagtatago sa Nueva Ecija ngunit nais na paatrasin ang anak sa pagsasampa ng kaso laban kay Quintana.

Sa medico legal report ng NBI sa biktima, nabatid na positibong ginahasa ang biktima at nangangamba ang maglola na posibleng buntis si Mae.  

About Leonard Basilio

Check Also

Money Bagman

MWF hindi na bago – GMA
Makabayan tutol sa panukala

HINDI na bago ang pagbuo ng isang sovereign wealth fund kagaya ng Maharlika Wealth Fund …

High-rise housing projects BLISS

High-rise housing projects tugon sa kakapusan ng disenteng tirahan

IKINOKONSIDERA ng pamahalaan ang pagtatayo ng high-rise housing o matataas na yunit ng pabahay upang …

Sonny Angara Money Senate

Aprobado sa bicameral conference committee
P5.27-T NAT’L BUDGET RATIPIKADO SA SENADO
P10-B ng NTF-ELCAC, P150-M DepEd confidential funds ibinalik

RATIPIKADO na sa senado ang inaprobhang Bicameral Conference Committee report o ang P5.27 trilyon national …

120622 Hataw Frontpage

Pondo ng SSS, GSIS para sa Maharlika  ‘unconstitutional’ — retired SC justice

ni ROSE NOVENARIO UNCONSTITUTIONAL o labag sa Konstitusyon ang paggamit ng investible funds para sa …

dead gun police

Karinderya pinaulanan ng bala
2 PATAY, 2 SUGATAN

AGAD namatay ang dalawang lalaki habang sugatan ang dalawang iba pa nang paulanan sila ng …

Leave a Reply