HATAW! D'yaryo ng Bayan hatawtabloid.com
KAHIT parehong laglag na ang Blackwater Sports at Barako Bull sa PBA Governors’ Cup, maagang nagsimula ang paghahanda ng dalawang koponan para sa bagong PBA season sa pamamagitan ng one-on-one trade na inaprubahan kahapon ni PBA Commissioner Chito Salud.
Ayon sa ulat ng www.spin.ph, ibinigay ng Elite ang point guard na si Brian Heruela sa Energy kapalit ni Carlo Lastimosa.
Ngunit ayon sa isang source, hindi pa sigurado kung mananatili si Heruela sa Barako dahil may posibilidad na lilipat pa siya sa San Miguel Beer katulong ng isang sister team nito at ang Barako ay magiging conduit.
Nais kasi ni Fajardo na magsama silang dalawa ni Heruela sa Beermen dulot ng kanilang pagsasama noon sa University of Cebu sa CESAFI.
Nag-average si Heruela ng 10.6 puntos, 4.9 rebounds at 5.2 assists para sa Blackwater na nangulelat sa una nitong PBA season. (James Ty III)
