Warriors hari sa West

 

TINAPOS na ng Golden State Warriors ang Houston Rockets upang ayusin ang date nila sa Cleveland Cavaliers sa Finals ng 2014-15 National Basketball Association (NBA).

Pinagpag ng Warriors ang Rockets, 104-90 para ilista ang 4-1 at angkinin ang titulo sa Western Conference matapos ang Game 5 ng kanilang best-of-seven series kahapon.

Naunang sumikwat ng upuan sa Finals ang Cleveland Cavaliers matapos nilang magkampeon sa Eastern Conference.

Winalis ng Cavs ang top seed Atlanta Hawks kamakalawa.

Umalagwa ng 26 puntos, walong rebounds at anim na assists si NBA MVP Stephen Curry para sa Warriors habang may 24 points at 20 puntos ang inambag nina Harrison Barnes at Klay Thompson ayon sa pagkakasunod.

Umibabaw sa opensa ng Rockets si Dwight Howard dahil naglagak din ito ng 16 rebounds at apat na blocks habang may tig 16 na puntos sina Jason Terry at Corey Brewer.

Samantala, sa June 4 ang umpisa ng Game 1 NBA Finals sa pagitan ng Cleveland at Golden State.

ni Arabela Princess Dawa