Maria, bilib pa rin kay Bistek

ni Eddie Littlefield

SOLID pa rin ang samahan nina Mayor Herbert at Maricel. Hindi malilimutan ng actress ang friendship nila noong time na ginagawa nila ang Kaluskos Musmos sa RPN9. Walang halong kaplastikan ang turingan nila sa isa’t isa bilang magkapatid.

Kahit ngayon lang uli magkakasama sina Herbert at Maricel, alam ng Diamond Star ang mga kaganapan sa personal na buhay nito. ”Tinatanong ko siya pero hindi nagsasalita. Pero may humahabol sa kanya. Ha! Ha! Ha! Ano ba ‘yun ?” say ni Maria.

Asawa ni Herbert ang role ni Maricel pero kakaiba. ”Luka-luka as usual. Forte ko ‘yan, in character! Ha! Ha! Ha! Maganda, nakaaaliw,” wika niya.

As a comedian, hindi pa ba kinakalawang si Herbert ? ”Para mong sinabi na, nagbabago ba si Jun Nardo? Ganoon ba? Ikaw na! Ha! Ha! Ha! Para mong sinabing may kupas ito ‘pag sinabi mong ganoon si Herbert,” paliwanag ni Mary.

Kapag magkausap sina Maricel at Herbert, hindi mapigil ng actress na hindi matawa sa magaling na komedyante. ”Obvious ba? Ano ‘yon? Ganoon, tawang-tawa? Magaling siya! You know, there was a time when I produced ‘Mary Potter’ before and trying to get my tandem before sa ‘Kaya ni Mister, Kaya ni Misis’ kasi walang Cesar Montano that time. They were trying to get Bayani Agbayani that time. And he was so in demand! We couldn’t get him (Herbert).

“And then sabi ko, I was the one who thought of him (Herbert). Sabi ko, ‘Bakit ba kayo nahihirapan? Ang dali-dali n’yan. Si Herbert, he was so good at that time when we got him! Kasi ang ganda talaga ng tandem namin. Hanggang sa naipasok ko pa si Dick (Paulate). So, tatlo kami, mortal kaming magkakaaway doon. Paano hindi gaganda eh noon pa man, mayroon na kaming ‘Kaluskos Musmos’. Kahit hindi na nga magkatinginan, talikuran pa, si Dick, parang ganoon. May chemistry kahit nakatalikod. Kaya kahit ilang taon kaming hindi magkita at isalang mo na kami,” kuwento ni Maricel.

Palibhasa magaling na actress si Maricel kaya hindi nawawalan ng movie project. Katatapos lang niyang manalo as Best Actress for television para sa seryeng Ang Dalawang Mrs. Real. Kailan kaya uli siya gagawa ng soap?

“Nasa manager ko na ‘yan. Ginugulat na lang ako n’yan. Basta if the price is right, spin a win, Jeanne Young. Go lang ng go! Ha! Ha! Ha!” masayang dugtong pa ni Mary.