HATAW! D'yaryo ng Bayan hatawtabloid.com
ni Roldan Castro
MARAMI ang hindi makapaniwala sa tsismis at blind items na si Janice De Belen ang dahilan umano ng paghihiwalay nina Gerald Anderson at Maja Salvador.
Bagamat naging close ang dalawa dahil mag-nanay ang role nila sa Budoy, na mukhang nabibigyan ngayon ng malisya ang pagiging malapit nila sa isat’isa.
Pati ang kissing photo ng dalawa na nakanguso si Gerald sa kanya ay binibigyan ng kulay. Kuha ‘yun noong kaarawan ni Janice noong November. Hindi naman ipo-post ‘yun ng aktres kung magiging sanhi lang ng kontrobersiya. Hindi naman eskandaloso ang naturang larawan pero iniintriga ngayon.
Posible bang ma-in-love si Gerald na 26 years old sa isang 46 years old na gaya ni Janice? Wala bang paki si Gerald maski mas matanda pa sa kanya ang panganay ni Janice?
Hindi kaya maging mitsa na masira at maputol ang pagiging close nina Gerald at Janice ang isyu sa kanila ngayon?
Importanteng linawin nila ang real score lalo na kung hindi totoo.
Napapanood ngayon ngayon si Janice sa seryeng Oh My G!. Ang laki ng ipinayat niya at blooming.
Sino kaya ang inspirasyon niya?
Just asking!
