HATAW! D'yaryo ng Bayan hatawtabloid.com
BUWISIT talaga si LUDING BONGALING, ang promotor ng jueteng diyan sa siyudad ng Baguio at mga kalapit na bayan sa Norte.
Gamit at kaladkad pa ng tarantadong jueteng lord bilang panindak sa mga pulis ang pangalan ni DILG Secretary Mar Roxas.
Kung hindi ba naman ugok, alam na alam ng tarantado na nagpapabango ng pangalan ang mabunying Kalihim dahil sa ambisyon na maging susunod na Pangulo ng bansa sa 2016, akalain n’yo po bang labutawin ang pangalan ng LP wannabe standard bearer sa isyu pa ng buwisit na jueteng.
Sobrang ka-cheapan naman ‘yan ikinulapol na issue nitong siLUDING kay Boss Mar Roxas.
Presidentiable na naturingan, ipinanangalandakang naka-‘tongpats sa jueteng?
Gaano ba kadikit itong si LUDING BONGALING kay SecretaryRoxas para magkalakas ng loob ang kupal na gamitin ang pangalan ng Kalihim ng DILG?
Ultimong local officials ng Baguio at Benguet ay pawang urong umano ang yagbols kay LUDING.
Hindi bababa sa isang milyong piso kada araw ang kobransa ng network ng kupal na tatlong beses isang araw. Diyan pa lamang po ‘yan sa Baguio City at mga kalapit ng bayan.
Kung milyones umano ang kinakabig ng hinayupak na jueteng lord sa kanyang unabated operations, ganoon din daw kalaki ang payolang ipinagkakaloob sa isang heneral na may alyas PELISCO na naka-base naman umano sa opisina ni Sec. Roxas sa Quezon City.
Wala umanong magawa ang provincial at regional director ng PNP sa nasabing lugar dahil sa takot na ma-relieve sa poder ‘pag ginalaw ang pa-jueteng ni LUDING.
So para maging ‘everybody happy’ join na rin sa katarantaduhang ito ang lahat ng opisyales ng PNP sa nasabing lugar mula sa chief of police pataas.
‘Eto na ba ang panimula ng isang grand fund raising project ni Sec. Mar para sa 2016 presidential elections?
Sa jueteng ba magmumula ang malaking bulto ng campaign funds mo gaya ng ipinagyayabang ni LUDING at Gen. PELISCO, ha Sec Mar?
Well, kung hindi man ito totoo, ang daling patunayan sa sambayanan sa pamamagitan ng pagpapaaresto sa gunggong na jueteng lord.
Iyan ‘e kung kaya nga ni Sec. Roxas na sagasaan ang mina ng kuwartang nagmumula diyan sa Norte.
May kasunod… ABANGAN!
Makinig sa DWAD 1098 khz am “TARGET ON AIR” Monday to Friday 2:00 – 3:00 PM. mag email sa [email protected]
ni Rex O. Cayanong
