Gretchen at Marjorie, may gap daw dahil sa Liza-Julia rivalry

NAISULAT naman sa isang pahayagan na nagkaroon daw ng gap ang magkapatid na Gretchen at Marjorie Barretto dahil sa pagsuporta ng una kay Liza Soberano. Sinasabing si Liza ang karibal umano ni Julia Barretto.

Minsan ding hindi kasi napigil ng socialite-actress na si Gretchen Barretto na magpahag ng paghanga kay Liza. Nasabi nitong “awesome-looking” kay Liza.

Hindi rin daw nito napigil ang pagbati kay Liza gayundin sa anak-anakang si Enrique Gil (naging anak ni Gretchen si Enrique sa Princess and I) sa magandang ratings ng teleserye. Dagdag pa ang pag-aming sinusubaybayan niya ang Forevermore kaya lalong nagngitngit daw ang kapatid na si Marjorie.

Teka, karibal nga ba ni Liza si Julia? Parang malayo naman. Unang-unang, marunong umarte si Liza samantalang si Julia (pasensiya na po nagsasabi lang ako ng totoo) hindi namin nakitaan ng tunay na pag-arte sa launching teleserye niyang Mira Bella. Pangalawa, may napatunayan na si Liza kahit paano dahil nakailang pelikula na rin ang batang ito na sinusuportahan ng madlang pipol.

At take note, sa unang pagbibida niya (kahit sabihin pang kasama si Enrique), inilampaso niya ang mga katapat niyang programa sa ibang network. Patunay dito ang datos mula sa Kantar Media. Humataw ito sa national TV rating na nakakuha ng 28.7% ang Forevermore Something New episode na naging trending topic rin sa Twitter dahil sa mga nakagugulat na pagbabago sa buhay ni Agnes (Liza) dalawang taon matapos ang nakalulungkot na paghihiwalay nila ni Xander (Enrique). Lamang ng 15 puntos ang Forevermore kompara sa katapat nitong teleserye sa GMA na Once Upon A Kiss (14.1%).

Dagdag pa na extended ito hanggang Abril.

ni Maricris Vadez Nicasio