Bill sa dagdag benepisyo ng pulis binuhay sa Senado

SA gitna nang masaklap na pagkamatay ng 44 miyembro ng Special Action Force (SAF), iginiit sa Senado ang pagpasa ng panukalang batas na Magna Carta for the Philippine National Police (PNP) o karagdagang benepisyo sa mga pulis.

Magugunitang sa pagtatanong ni Sen. Sonny Angara sa pagdinig ng Senado kay dating SAF commander Dir. Getulio Napeñas, sinabi ng heneral na ang mga miyembro ng pulisya na nakatalaga sa danger zones at tactical units ay tumatanggap lamang ng hazard pay na P240 bawat buwan at combat pay na P1,020 sa bawat quarter o P340 bawat buwan.

Sa ilalim ng Senate Bill 2594, ni Angara, “uniformed PNP personnel who is exposed to hardship and combat situation or other hazard unusual to peacekeeping, crime prevention and investigation activities will be compensated with a special hardship allowance.”

Sa oras na mapagtibay bilang batas ang panukala ni Angara, magiging P8,467 na ang kabuuang combat pay ng Police Officer II mula sa dating P580.

Nakapaloob din sa SB 2594, ang pagkaloob ng assignment allowance na katumbas ng kalahating buwan sahod ng uniformed PNP personnel kapag naitalaga sa remote areas.

Cynthia Martin