Pag-apir ni Willie sa Banana Split, ‘di ipinalabas

ni Roldan Castro

NAGING isyu ang pagdalaw ni Willie Revillame sa Banana Split: Extra Scoop dahil lumabas sa isang tabloid na hindi raw ipinalabas ng ABS-CBN 2 dahil banned pa rin ito. Balitang dalawang beses pang lumabas sa stage ng Music Museum si Willie na Roon nagti-taping ng award winning gag show na pinangungunahan nina Angelica Panganiban, Jayson Gainza, Zanjoe Marudo, John Prats, Ryan Bang, Pooh atbp..

“Dumalaw lang siya kay Direk Bobot (Mortiz) sa Music Museum, tapos pinadaan ni Direk sa stage during closing. Hindi siya talaga kasama sa episode,” paliwanag ng isa sa executive ng Banana Split na si Camille Mortiz-Malapit.

Anyway, bukod sa Banana Split: Extra Scoop, tuwing Sabado i-enjoy ang lahat ng ibang mga Kapamilya comedy shows. Panoorin ang Banana Nite tuwing weekdays pagkatapos ng Bandila, Goin’ Bulilit after ng TV Patrol Weekend, at LUV U tuwing Linggo pagkatapos ng ASAP 19.

Klaro!