Amazing: Tupa akala siya ay aso

NAGING viral sa internet ang video ng isang tupa na akala ay isa siyang aso.

Mahigit 310,000 katao na ang nakapanood sa video ng 10-buwan gulang na tupa na si Pet habang nakikipaglaro sa mga asong border collies.

Sinabi ng amo niyang si Mairi McKenzie, may farm sa Scottish Highlands, ang kakaibang pag-uugali ni Pet ay resulta ng pamumuhay kasama ng sheep dogs.

Ang tupa ay dinala sa farmhouse nitong nakaraang taon ni McKenzie makaraan akalaing hindi magtatagal ang buhay dahil sa kanyang pagiging maliit.

Lumaki ang tupa kasama ng farm dogs at sa kasalukuyan ay parang aso na rin siya sa kanyang pag-uugali at pagkilos.

Malapit sa isa’t isa si Pet at ang kanyang adoptive parents na mga aso, kumakain sila at natutulog nang magkakasama.

Sinabi ni Ms McKenzie, 51, “She’s a right character. I’ve never seen anything like this before – it’s really unusual.

“She bonded with the dogs and they accepted her as one of them. She’s still a wee bit wobbly but loves to hop, skip and jump around.” (ORANGE QUIRKY NEWS)