2 anak pinatay, ina nagtangkang mag-suicide

ILOILO CITY – Patay ang magkapatid na paslit makaraan patayin ng kanilang ina na nagtangka rin magpakamatay sa Brgy. Hipgos, Lambunao, Iloilo kamakalawa.

Ayon kay Renante Lasanas, padre de pamilya, nagulat siya nang matagpuan duguan ang mga anak at wala nang buhay sa kanilang bahay.

Ang 8-anyos na babae at grade 2 pupil ay may sugat sa leeg habang pinaniniwalaang sinakal ang batang lalaking pre-schooler.

Nakahandusay ang ina na duguan at may sugat sa leeg makaraan magtangkang magpakamatay.

Narekober sa crime scene ang isang karit na pinaniniwalaang ginamit ng ina sa pagpatay sa kanyang mga anak at sa pagtatangka rin niyang magpakamatay.

Ayon sa mister, maayos ang kanilang relasyon na mag-asawa sa kabila nang pagkakaroon ng nervous breakdown ng ginang.