HATAW! D'yaryo ng Bayan hatawtabloid.com
ni James Ty III
PINATAWAN ng PBA ng dalawang larong suspensiyon ang sentro ng Purefoods Star Hotdog na si Yousef Taha dahil sa kanyang pagsuntok kay Rain or Shine import Rick Jackson sa tune-up game ng dalawang koponan noong Biyernes sa Ronac Gym sa San Juan.
Bukod pa rito ay pinagmulta si Taha ng P60,000.
Anim na beses na sinuntok ni Taha si Jackson sa larong pinatigil sa ikatlong quarter dahil sa insidente.
Dahil dito, mapipilitan ang Purefoods na gamitin nang matagal sina Marc Pingris, Rafi Reavis at Mick Pennisi sa ilalim lalo na pansamantalang import lang si Marqus Blakely habang hindi pa dumarating ang permanente nitong import na si Daniel Orton.
Dalawa pang tune-up na laro ang itinigil din dahil sa iba’t ibang insidente ng suntukan tulad ng Ginebra-Globalport at Kia-Barako Bull.
Naunang pinagmulta ng tig-P30,000 sina Emman Monfort ng Ginebra at Terrence Romeo ng Globalport dahil din sa suntukan.
