Kagawad tiklo sa droga

HINDI nakapalag sa mga awtoridad ang isang barangay kagawad makaraan masakote nang pinagsanib na pwersa ng Philippine National Police (PNP) at Philippine Drug Enforcement Agency (PDEA) sa Carmen, Davao del Norte kamakalawa.

Kinilala ni PDEA Director General Undersecretary Arturo Cacdac, Jr. ang suspek na si Jojo Bitte, 42, may-asawa, kagawad ng Brgy. Guadalupe sa nasabing bayan.

Ayon sa ulat, nadakip ang suspek sa Purok 1-A, Brgy. San Isidro makaraan magpanggap na buyer ang isang ahente ng PDEA.

Nakompiska sa suspek ang dalawang sachet ng shabu at marked money na ginamit sa operasyon.

Nahaharap ang suspek sa paglabag sa Section 5 (Sale of Dangerous Drugs), Section 11 (Possession of Dangerous Drugs), at Section 15 (Use of Dangerous Drugs), ng Article II ng RA 9165.

Jethro Sinocruz