HATAW! D'yaryo ng Bayan hatawtabloid.com
PATAY ang tatlong paslit na magkakapatid nang makulong sa nasusunog nilang bahay kahapon ng umaga sa Caloocan City.
Kinilala ang magkakapatid na sina Janine Racel, 9; John Racel, 6; at Joshua Flores, 3, pawang residente ng Block 2, Sawata, Maypajo, Brgy. 35, Dagat-Dagatan ng nasabing lungsod.
Batay sa ulat ni SFO2 Benedicto Tudla, arson investigator, dakong 6:35 a.m. nang lamunin ng apoy ang dalawang palapag na bahay ng mga biktima na gawa sa light materials.
Salaysay ng lola ng mga biktima na si Zenaida Gatos, 56, may-ari ng bahay, maaaring naglaro ng posporo ang 3-anyos na apo na madalas gawin ng paslit.
Dakong 7:05 a.m. nang maapula ang apoy sa bahay ng mga biktima na umabot sa unang alarma. (ROMMEL SALES)
