Drug pusher itinumba ng tandem

AGAD binawian ng buhay ang isang 35-anyos lalaking sinasabing sangkot sa pagtutulak ng droga, makaraan pagbabarilin ng riding-in-tandem habang nakikipag-inoman sa ilang kalalakihan sa Brgy. Gumaoc Central, San Jose Del Monte City, Bulacan, kamakalawa ng hapon. Kinilala ang biktimang si Luis Cabuang, Jr., residente ng Del Monte Heights, Brgy. Kaypian sa nasabing lungsod.

Sa imbestigasyon ni PO1 Ritchie Militante, nakikipag-inoman ang biktima nang lapitan ng dalawang armadong lalaki at kinaladkad palayo.

Nakahulagpos ang biktima at nakatakbo ngunit binaril siya sa ulo ng mga suspek.

Hinala ng pulisya, maaaring onsehan sa droga ang motibo ng pagpaslang sa biktima.

(DAISY MEDINA)