Crime rate probe sa Senado inisnab nina Mar, Purisima

DESMAYADO si Sen. Grace Poe, chairman ng Senate committee on public order and dangerous drugs, dahil inisnab ni PNP chief, Gen. Alan Purisima ang ipinatawag na pagdinig hinggil sa lumalang kriminalidad sa bansa partikular na ang pagkakasangkot mismo ng mga miyembro ng pambansang pulisya.

Napag-alaman, ipinadala lamang ni Purisima ang kanyang kinatawan, habang wala rin ang pangunahing resource person na si DILG Sec. at Napolcom Chair Mar Roxas.

Gayonman, ipinagpatuloy ang presentasyon ng PNP kung ano ang kanilang plano at programa upang paigtingin ang kampanya laban sa kriminidad.

Tiniyak ni Poe na muli siyang magtatakda ng pagdinig ngunit dapat dumalo si Purisima para siya mismo ang sumagot sa mga isyu sa PNP.

(CYNTHIA MARTIN/NIÑO ACLAN)