HATAW! D'yaryo ng Bayan hatawtabloid.com
SAMOTSARINT reaksiyon ang naririnig namin sa eksena ni Nadia Montenegro habang nakakulong si Billy Crawford.
May mga tumatawag sa kanya ng ‘Pambansang Bawang’ dahil nakakabit na naman siya sa isyu. Isa siya sa ini-interbyu sa sitwasyon ni Billy.
Pero tumataas ang kilay ng ilan nang magkasalungat ang statement ni Nadia at ang manager ni Billy na si Arnold Vegafria. Bakit naman hindi nag-usap ang dalawa o dapat isa na lang ang tagapagsalita ng singer-TV host.
Kaninong kredibilidad ngayon ang paniniwalaan mo? Ang sinasabi ni Nadia na walang nakaaway sa labas si Billy o ang sinasabi ni Arnold na may nakaaway ang alaga niya?
Basta kami, natutuwa sa malasakit na ipinakikita ni Nadia kay Billy. At least, nandoon siya para bantayan si Billy kompara sa girlfriend ng singer-TV host na si Coleen Garcia. Buti pa nga raw si Luis Manzano nakita na nagbantay sa kaibigan.
Although, ipinagtanggol naman ni Coleen si Billy sa kanyang Twitter Account at sinundo naman noong paalis na sa kulungan.
Isa pang nagpa-bother sa amin ay ang Twitter Account ni Nadia. Marahil poser lang niya ‘yung @nadsmontenegro dahil kung ano-anong kanegahan ang itinu-tweet kay Billy na kesyo magmamalinis at pupurihin ng The Buzz si Billy at kesyo kilalangng mabuting bata si Billy.
“‘Di na siguro magkandaugaga ang writers ng #TheBuzz. Nagkakagulo sila kung pano babaliktarin ang kwento at gagawing biktima si Billy Crawford”
Pero napanood namin ang The Buzz at balanse nilang naibalita ang tungkol kay Billy.
Kung nega ang mababasa sa @nadsmontenegro, positibo naman sa @Officialnadiam, “Love you Billy! @billyjoecrawford Were here for you! We know who you are! We know you are a good man. A normal human being! Napapagod! Napupuno! Nagkakamali! All I can promise you is that tom everything will be ok! God will never forsake you! You are never alone! Maayos lahat yan! Love you Bunso!”
‘Yun na!
