Friday , May 10 2024

Resignation ng NFA chief ibinasura ni Kiko (Extortion case vs Juan pakana ng tinamaan ng reporma)

PHILIPPINES-ECONOMY-COMMODITIES-RICE

TINANGGIHAN ni Presidential Assistant for Food Security Francis “Kiko” Pangilinan ang pagbibitiw ni National Food Authority (NFA) Administrator Arthur Juan.

Ang paghahain ng courtesy resignation ni Juan ay kasunod nang alegasyong extortion sa isang rice trader sa Bulacan.

Sinabi ni Pangilinan, hinikayat niya si Juan na manatili muna at hintayin ang imbestigasyon.

“Kinombinsi natin si Mr. Juan na ‘wag munang magbitiw antayin muna ang resulta ng imbestigasyon,” ani Pangilinan.

Ang paratang aniya kay Juan ay bahagi lamang ng harassment dahil sa kampanya nila laban sa rice smugglers.

Una rito, naghain ng kasong extortion ang isang Jomerito “Jojo” Soliman, isang rice trader sa Bulacan, laban kay Juan.

Sa kanyang sworn statement sa NBI, sinasabing umaabot sa kabuuang P15 million ang na-extort sa kanya ni Juan at ng kanyang assistant na si Atty. Patricia Galang.

Aniya, tig-P5 million sina DILG Sec. Mar Roxas, Sec. Pangilinan, at ang administrador.

Noong Hulyo ay ni-raid ang warehouse ni Soliman sa Malolos, Bulacan at nanguna pa ang nasabing mga opisyal.

Mariing itinanggi ni Juan ang naturang alegasyon.

Si Juan ay dalawang buwan pa lamang sa pwesto.

Mariin ding itinanggi ni Pangilinan ang akusasyon, kasabay nang pagsasabing desperado lamang ang rice trader.

EXTORTION CASE VS JUAN PAKANA NG TINAMAAN NG REPORMA

NANINIWALA ang Malacañang na pakana lang ng mga naiipit sa isinasagawang mga reporma sa National Food Authority (NFA) ang kasong extortion na isinampa ng isang negosyante laban kay NFA Administration Arthur Juan at assistant niyang si Atty. Patricia Galang.

Ayon kay Presidential Assistant on Food Security Francis Pangilinan, hindi niya tinanggap ang pagbibitiw ni Juan makaraan ireklamo na nangikil ng P15 milyon ni rice trader Jojo Soliman sa National Bureau of Investigation (NBI).

Iginiit ni Pangilinan, nakikipagtulungan ang kanyang tanggapan sa imbestigasyon at igagalang niya ano man ang magiging resulta nito.

Sinabi ni Soliman sa kanyang reklamo, kinikilan siya ni Juan ng P15 milyon, tig-P5 milyon sina Pangilinan, Interior Secretary Mar Roxas at Juan, kapalit nang pagbabasura ng kaso laban sa kanya ng NFA.

Ngunit itinanggi ng mga opisyal ang akusasyon ni Soliman.

Matatandaan, sinuspinde ng NFA ang license to trade ni Soliman makaraan sampahan ng mga kasong paglabag sa Price Act at paghalo ng animal feeds sa imported Thai rice at ibinebenta ito bilang “Sinandomeng rice” sa pamilihan.

(ROSE NOVENARIO)

About hataw tabloid

Check Also

Navotas

Bakuna vs Polio sa Navotas, umabot na sa 101%

NAKAPAGBAKUNA na ang Navotas ng aabot sa 101 porsiyento ng target na populasyon nito para …

Bong Revilla Jr

Sen. Bong Revilla kompiyansa  sa matatag na alyansa ng PFP-LAKAS

IPINAHAYAG ni Senador Ramon “Bong” Revilla, Jr., tagapangulo ng Lakas-CMD, ang kompiyansa sa katatatagan ng …

Lani Mercado Lani Cayetano

Taguig ‘di pinalampas   
MISIS NI SEN. BONG REVILLA, MAYOR LANI CAYETANO DUMALO SA AICS PAYOUT

HALOS 2,000 indibiduwal, itinuturing na kabilang sa ‘nasa laylayan ng lipunan’ ang tumanggap ng financial …

doctor medicine

Kahit hindi napatunayan
PH DOCTORS APEKTADO NG ISYUNG MULTI-LEVEL MARKETING — LAWYER

INAMIN ni Atty. Dezery Perlez, isa sa abogado ng Bell-Kenz Pharma, lubhang apektado ang mga …

050924 Hataw Frontpage

1 patay, 2 sugatan  
SENGLOT NA KELOTNANAKSAK NANG WALANG HABAS

ni ROMMEL SALES NAARESTO na ng pulisya ang lalaking walang habas na nanaksak sa harap …

Leave a Reply

Your email address will not be published. Required fields are marked *